சிரித்துப் பழகு
நாளும் நீ
சிரித்துப் பழகு!
சிரிப்பு ஓர்
சிறந்த வரம்!
மானுடப் பிறவிக்கு!
கவலைகள் அதிகமா!
கவலைப் படாதே!
சிரிக்கப் பழகு!
துன்பங்கள் வரும்போதும்
துவளாமல் சிரி!
உள்ளத்து விசனங்களை
வெளியிலே எறி!
சிரித்துப் பழகு
நாளும் நீ
சிரித்துப் பழகு!
தினமும் சில நிமிடம்
சிரிக்கும் நேரம் அதிகமாக்கு!
அதுவே பாதிச் சுமை
உன்னிடத்தில் குறைக்கும்!
உன்னைச் சுற்றி
ஒளிவட்டம் தோன்றும்!
தேஜஸ் கண்டு
உன் பின்னே கூட்டம்
வரக் கூடும்!
திரும்பிப் பார்!
அவர்களும் திரும்பிடுவர்!
அச்சத்தில் அல்ல!
உன் தேஜஸ்
கண்டு தடுமாறுவர்!
சிலர் உன்மேல்
கல்லெறியக் கூடும்!
உன்னைப் போல்
கவலையின்றி இருக்க
இயலாமையின் பொறாமை!
மனதார மன்னித்து விடு!
அவர்களையும்
பார்த்துச் சிரி!
புரிந்தாலும் ஒதுங்கிக் கொள்வர்!
புரியாவிட்டாலும் கூட!
இப்படியே
சில நாள் பயிற்சியில்
சிரிப்பு உனக்கு
கை கைகூடிவிடும்!
உன் பொறுப்புகளும்
வாழ்க்கைச் சுமையும்
உன்னை
தொந்தரவு செய்யாது!
சுதந்திரமாக உணர்வாய் நீ!
இப்போது இன்னும்
அதிக நேரம் சிரிக்கலாம் நீ!
அப்புறமென்ன
வந்துவிடு எங்களுடன்!
சேர்ந்து சிரிப்போம்!
நீ மறுத்தாலும்
நாங்கள்
காத்துக் கொண்டிருப்போம்!
வந்துவிடுவாய் என்று!
- சுவாமி பித்தானந்தா,
கீழ்ப்பாக்கம்.
